പുനര്‍ജ്ജനി

അവയവദാന ബോധവൽക്കരണ റാലി 

                                                                                                      27 / 8 / 2018 ന്  2018 -2020  അധ്യയന വർഷത്തെ എൻ എസ് എസ് വോളണ്ടിയറുകളുടെ ആഭിമുഖ്യത്തിൽ ഇരിഞ്ഞാലക്കുട ആൽത്തറയിൽ നിന്നും നാഷണൽ സ്‌കൂളിലേക്ക് റാലി സംഘടിപ്പിച്ചു. മുഴുവൻ എൻ എസ് എസ് വിദ്യാർത്ഥികളുടെ പങ്കാളിത്തത്തോടെ  പ്ലേകാർഡുകളുടെയും മുദ്രവാക്യങ്ങളുടെയും അകമ്പടിയോടെയാണ് റാലി നടത്തിയത് .

അവയവദാന ബോധവൽക്കരണ ക്ലാസ് 

സ്വന്തം കരൾ മകൾക്കായി  ദാനം ചെയ്ത കാറളം സ്വദേശിയായ പുതുപ്പറമ്പിൽ  സ്മിതയും കരൾ സ്വീകരിച്ച നാഷണൽ സ്കൂൾ പൂർവ്വവിദ്യാർത്ഥിയുമായ അഞ്ജലിയും ചേർന്നാണ്  ബോധവത്കരണ ക്ലാസ് നയിച്ചത്. അതിനു ശേഷം ലഘുലേഖയും അവയവദാന സമ്മതപത്രവും എൻ എസ് എസ് വോളണ്ടിയറുകൾക്ക്  കൈമാറി  പുനർപ്രവർത്തനങ്ങൾ ഉദ്ഘാടനം  ചെയ്തു . തുടർന്ന് അവയവദാനത്തെക്കുറിച്ച് അവരുടെ അനുഭവങ്ങൾ പങ്കുവെച്ചു. കുട്ടികളുടെ  സംശയങ്ങൾക്ക് അവർ മറുപടി നൽകി. സീനിയർ അധ്യാപിക വി . ലിഷ,എൻഎസ്എസ്  പ്രോഗ്രാം കോഓർഡിനേറ്റർ ഒ എസ് ശ്രീജിത്ത്,ലീഡർമാരായ വിശ്വജിത്,അർച്ചന എന്നിവർ സന്നിഹിതരായിരുന്നു.  

അവയവദാന ബോധവത്കരണ പ്രതിജ്ഞ

അവയവദാന ബോധവത്കരണ പ്രതിജ്ഞയോട് കൂടി ഇരിങ്ങാലക്കുട നാഷണൽ HSS ലെ പുനർജനി പദ്ധതിക്ക് തുടക്കം കുറിച്ചു. അവയവദാനത്തിന്റെ  മഹത്വത്തെ കുറിച്ച്  പ്രിൻസിപ്പൽ മിനി സി, NSS പ്രോഗ്രാം ഓഫിസർ  ശ്രീജിത്ത് ഒ  എസ്, എന്നിവർ സംസാരിച്ചു. തുടർന്ന്  NSS വൊളന്റിയർ അൽസാ സി ബി  പ്രതിജ്ഞ വാചകം ചൊല്ലി കൊടുത്തു.

കൃഷിക്കൂട്ടം പദ്ധതി

പാടത്ത് രക്തശാലിയിനത്തിലുള്ള ഞാറുനട്ട് കൃഷിക്കൂട്ടം പദ്ധതിക്ക് 7/7/18ന് തുടക്കം കുറിച്ചു. പൊറത്തിശ്ശേരി കോട്ടപ്പാടത്ത് രക്തശാലിയിനത്തിലുള്ള ഞാറു നട്ട് കൃഷിക്കൂട്ടം പദ്ധതിക്ക് NSS വോളന്റിയേഴ്‌സ് തുടക്കംകുറിച്ചു. ഇരിങ്ങാലക്കുട നാഷണൽ HSS ലെ NSS യൂണിത്തിന്റെ നേതൃത്വത്തിലാണ് ഞാറുനട്ടത്. വയനാടൻ നാടൻ വിത്തിനമായ രക്തശാലി ഇനത്തിലുള്ള ഞാറാണ് നട്ടത്. ഇത് ഔഷധത്തിന്റെ കലവറയാണ്. നാശോന്മുഖമായി കൊണ്ടിരിക്കുന്ന ഇത്തരം വിത്തുകൽ പ്രോത്സാഹിപ്പിക്കുക, നെൽ കൃഷി രീതികളെ കുറിച്ച മനസിലാക്കി കൊടുക്കുക എന്ന ലക്ഷ്യങ്ങളോടെ ആണ് ഞാർ നട്ടത്.